„МЛАДОСТ“ – „ТИВЕРИЈА“ 0:2 (0:0)
Оризари. Терен покрај Масалница. Гледачи 100. Главен судија: Зоран Саздовски. Помошници: Димитар Пилешков и Ален Коцевски (сите од Штип). Делегат: Кирчо Атанасов – Штип. Стрелци: Коцев 50’ С.Јованов 87’ (Тиверија). Жолти картони: Манев, Наков, Спасевски, Јорданов, Анакиев (Младост), Серафимовски (Тиверија). Црвен картон: Анакиев 60’(Младост).
„МЛАДОСТ“ – Ампов, Митев (Соколов), Николовски, Спасевски, Манев, Анакиев, Јорданов, Наков, Јаневски (Гуцов), Ангелов, Јанев.
„ТИВЕРИЈА“ – Стојков, Серафимовски (Нистров), Коцев, М.Јованов, Кавазов, Стојанов, Јорданов, Андреев, Тасев, С.Јованов, Циев (Андонов).
Дербито на колото во Третата лига Исток не ги оправда очекувањата. Се играше неинтересен фудбал во кој гостите сепак беа подобри и заслужено ги однесоа бодовите од кај Масалница. Играчите на тренерот Зоран Филипов само на моменти се покажуваа во вистинското светло а додека во поголемиот дел на играта грешеа во додавањата а и очигледно е дека не се физички подготвени. Наспроти домаќините, играчите на Тиверија покажаа една добра и храбра игра во која за цело време ја посакуваат победата.
Единствената прилика за гол домаќините ја имаа во 8 минута кога по едно убаво нафрлање во празен простор голгетерот на Младост, Наков го лобуваше истрчаниот Стојков, но за негова несреќа топката го погоди левиот дирек. Гостите поведоа во 50 минута. По нафрлената топка од корнер домашната одбрана беше фатена на спиење па на Коцев не му беше тешко со глава да бие во небранетата мрежа на немоќниот Ампов. Конечниот резултат беше поставен на три минути пред крајот на натпреварот. С. Јованов изби сам уште од центарот на игралиштето, го мина Ампов и рутинирано ја упати топката во празната мрежа.
Се на се дербито не ги оправда очекувањата, Тиверија заслужено победи а оправдано доделениот црвен картон на домашниот играч Анакиев е како плод на неговото непознавање на фудбалските правила и влегување на терен без да добие знак од главниот судија.
преземено од www.komarec.com.mk
